काठमाडौं । उपत्यकाका तीन जिल्लाका प्रमुख जिल्ला अधिकारी (सिडिओ) हरु आज साँझ ६ बजे बैठक बस्ने भएको छ ।

नयाँ भेरियन्टको कोरोना संक्रमण उपत्यकामा तिव्र रुपमा बढेसँगै जारी निषेधाज्ञालाई थप कडाई गर्न काठमाडौं, ललितपुर र भक्तपुर जिल्लाका प्रजिअहरुको बैठक बस्न लागेको हो । निषेधाज्ञा लगाईएता पनि अनावश्यक मानिसहरु सडकमा हिँडिरहेको भन्दै त्यस थप सुध्रिणका लागि के गर्न सकिन्छ भन्ने विषयमा साँझ ६ बजे बैठक बस्ने बताईएको छ ।

काठमाडौं उपत्यकाका कुनकुन क्षेत्रमा कडाइ गर्ने र बैठकमा जारी निषेधाज्ञाको समीक्षा गर्दै थप क्षेत्रमा कडाई गरिने बताइएको छ।