काठमाडौँ । विश्वव्यापी महामारीका रुपमा फैलिएको कोरोना भाइरुस (कोभिड–१९)बाट बच्न र बचाउनका लागि भारतका चर्चित जोडी सहयोग अभियानमा लागेका छन् । भारतीय क्रिकेटर विराट कोहली र कलाकार अनुष्का शर्माको जोडीले कोडिभ १९ को नयाँ भेरियन्ट न्यूनीकरण गर्न सहयोग अभियान सुरु गरेका हुन् ।

अभियानमा उनीहरुले २ करोड भारतीय रुयियाँ अर्थात २ करोड २० लाख रुपैयाँ सहयोग स्वरुप दिएका छन् । उनीहरुले कम्तिमा ७ करोड भारतीय रुपियाँ संकलन हुने अपेक्षा गरेका छन् ।

एक हप्ता चल्ने उनीहरुको सहयोग संकलन अभियानबाट संकलित रकमलाई एक्सन कोभिड १ टोलीलाई हस्तान्तरण गर्ने उनीहरुले बताएका छन् । एक्सन कोभिड १ टोलीले अक्सिजन, मेडिकल, खोपलगायत प्रदान गर्दै आइरहेको छ ।

कोरोनाबाट मुक्ति भएर सन्तुष्टताका लागि सहयोग अभियान थालेको बताउँदै क्रिकेटर कोहलीले ट्वीटरमार्फत श्रीमती अनुष्कासँग मिलेर सुरु गरेको अभियानमा सबैको साथ हुने अपेक्षा गरेका छन् । साथमा अनुष्काले पनि सहयोगको अपिल गरेकी छन् ।

कोभिड सुरु भएको गत वर्ष पनि ५५ जना भारतीय चर्चित व्यक्तिहरु एसीटी अनुदान नाम राखेर सहयोगको अभियानमा अघि बढेका थिए । जसबाट १ अर्ब भारतीय रुपियाँ संकलन भएको थियो ।

Tweets by imVkohli