काठमाडौं । आज २०७८ वैशाख महिनाको २६ गते आइतबार, वैशाख कृष्णपक्षको त्रयोदशी तिथि । आज कानून दिवस रहेको छ । अब लागौं आजको राशिफलतर्फ

मेष
सुख सुविधामा कमि आउने छ । साथै मनमा अत्याधिक दुविधाले सताउने छ । आत्माबल बलियो हुने भएकाले त्यति प्रतिकुलता हुन भने जाने छैन् । पेशागत र ब्यावसायिक जीवनको हकमा भने समय त्यति प्रतिकुल छैन् । फलाम, उद्योग कलकारखाना, श्रम क्षेत्र, ठेक्का पट्टा, विषादीको ब्यापार, सिमेण्ट, डण्डी, औषधी, आदी जस्ता ब्यवसायमा संलग्नहरुलाई फाइदा मिल्ने छ । घर घडेरी, गाडि, सवारीसाधन आदी खर्च हुने वा नोक्सान हुने योग रहेकाले सतर्क भएर अघि बढ्नु पर्ने समय रहेको छ ।

वृष
प्रभावकारी ब्यक्तित्व हुने छ । कमाई, आम्दानी तथा आफ्नो इच्छापूर्ति प्राप्तिका लागि मनमा दृढता प्राप्त हुने छ । भाग्यको बलियो साथ रहेकाले आँटेका कामहरु पूरा हुनेतर्फ प्रगति हुने छ । पेशागत तथा ब्यावसायिक जीवनमा पनि सकारात्मकता थपिने छ । पानी, मदिरा, आइसक्रिम, आयात, कोल्ड ड्रिङ्स, एकाउन्टेण्ट, आदी जस्ता क्षेत्रमा सक्रियहरुलाई फाइदा मिल्ने समय छ । राजनीति जीवनमा रहेकाहरुको हकमा समय संयमित रहनु पर्ने देखिन्छ ।

मिथुन
पारीवारिक संलग्नतामा गरिएका काममा प्रगति हुने छ । परिवारको साथ लिएर काम गर्नाले सफलता मिल्ने छ । धन सम्पत्तिको बृद्धि हुने छ । रिस धेरै उठ्ने हुँदा रिस नियन्त्रणमा निकै ध्यान दिनु होला । नेतृत्वदायी ब्यक्तित्व हुने छ । प्राप्त भुमिका राम्रोसँग निर्वाह गर्न सक्ने हुँदा राजनीतिक वृत्तमा सफलता मिल्ने छ । तर भाग्यहिनताको अनुभुति हुने भएकाले जाँगरमा कमि ल्याउने छ ।

कर्कट
समय अनुकुल देखिन्छ । सक्रिय खालको ब्यक्तित्व हुने छ । अरुको विश्वास जित्न सक्ने उर्जा प्राप्त हुने छ । साझेदारीमा गरिएका कामहरुबाट फाइदा मिल्ने छ । आफ्नो सक्रियतामा भाग्योदय हुने छ । राजनीति, निजामति, प्रशासन आदीमा सक्रियहरुको हकमा पेशागत उन्नति हुने छ । तर होटल, रेष्टुरेण्ट, ठेक्का पट्टा जस्ता क्षेत्रमा सक्रियहरुका लागि समय प्रतिकुल रहेको छ ।

सिंह
मनमा अत्याधिक खिन्नता र उदासिनता बढ्न पुग्ने छ । भाग्यको एक हदसम्म साथ रहेकाले आत्माबलमा सुधार आउने छ । राखिएका लक्ष्य प्राप्त हुने छन्, आम्दानीमा पनि बृद्धि हुने छ । पेशागत र ब्यावसायिक जीवनमा धेरै सकारात्मक अवस्था नआउने भए पनि नकारात्मकता पनि देखिने छैन् । चिसोले अत्याधिक सताउने भएकाले ध्यान दिनु होला । औषधी, सौन्दर्य प्रशाधनका सामान, स्वास्थ्य क्षेत्रमा सक्रियहरुको आम्दानी बढ्ने छ ।

कन्या
नेतृत्वदायि भुमिकाको जिम्मेबारी निर्वाह गर्दा अपेक्षा गरेको गर्न नसक्दा जिम्मेबारी दिने निकायमा नराम्रो छाप पर्ने समय छ । सतर्कताको आवश्यकता छ । पेशागत जीवन तथा ब्यावसायिक जीवनमा सचेत भएर अघि बढ्नु पर्ने समय छ । जीवनसाथिको साथ लिएर अघि बढेमा प्रतिकुलतासँग जुध्ने तागत र मनोबल प्राप्त हुने छ भने आम्दानीमा पनि बृद्धि हुन जाने छ । साझेदारी फाप्ने छ । आत्माबलमा भने कमि आउने भएकाले संयमितासाथ अघि बढ्ने तर्फ ध्यान दिनुहोला ।

तुला
संयमित भएर हिड्नु पर्ने समय छ । मनमा उदासिनताको मात्रा बढ्ने भएकाले जोश र जाँगरको अभाव देखिने छ । ब्यापार ब्यवसाय तथा पेशागत जीवनमा समास्याहरु देखा पर्ने छन भने उतार–चढाव देखा पर्ने छ । पितासँगको सम्बन्धमा पनि कटुता आउने भएकाले संयमित भएर ब्यवहार गर्दा उचित हुने छ । दाम्पत्य जीवनमा कसले नेतृत्व लिने भन्ने विषयमा केही प्रतिष्पर्धा जस्तो देखिने भए पनि जीवनसाथिको साथमा काम गरेमा सफलता मिल्ने छ, खासमा त्यसले आम्दानी बढ्ने छ ।

वृश्चिक
शरीरमा कमजोरीले सताउने छ । भाग्यको बलियो साथ रहेकाले प्रतिकुल समयमा जुध्ने तागत प्राप्त हुने छ । आत्मबलको कमि हुने भएकाले कमजोर ब्यक्तित्व हुन पुग्ने छ । साझेदारीमा गरिएका कामहरु भने सकारात्मक दिशामा अघि बढ्ने छन् । अलि नकारात्मक विचारले स्थान लिने भएकाले सकारात्मक विषयहरुप्रति प्रेरित हुनु होला । सुरक्षा निकाय, रियल स्टेट, होटल, रेष्टुरेण्ट, डान्सबार, ठेक्का पट्टा, सर्जरी आदीमा कार्यरतहरुको पेशागत जीवनमा समस्याहरु देखा पर्न जाने छन् ।

धनु
भाग्यको बलियो साथ रहेको छ । तर आफूले भोग्दै आएको सुख सुविधामा भने कमि आउने छ । परिवारको साथ रहने हुनाले देखा परेका कठिनाईहरुसँग जुध्न बलियो साथ मिल्ने छ । खासगरी बोलीमा संयमिता ल्याउन नबिर्सनु होला पेशागत जीवनमा विभिन्न अवरोध तथा समस्याहरु उत्पन्न हुने भएकाले संयमित भएर अघि बढ्नु होला । दाम्पत्य जीवन र साझेदारीमा गरिएका कामहरुमा अविश्वासहरु पैदा हुन जाने छन् ।

मकर
दृढ खालको ब्यक्तित्व हुने छ । रिसको मात्रामा अस्वाभाविक बृद्धि हुने भएकाले रिस नियन्त्रण नगरेमा देखा परेको ब्यक्तित्वमा ठुलो गिरावट आउने जाने छ । पारीवारिक जीवनमा मधुरता आउने छ । जीवनसाथिको साथले मेहनति र पराक्रमि बनाउने छ । कुटनीति, पुरातात्विक क्षेत्र, खोज अनुसन्धानको क्षेत्र, अन्तर्राष्ट्रिय सम्बन्धको क्षेत्र, गुप्तचरी क्षेत्रमा आवद्धहरुको हकमा समय अनुकुल देखिन्छ । अन्यको हकमा संयमित हुनु पर्ने समय रहेको छ ।

कुम्भ
बोलीमा पनि मधुरता आउने छ । सितल र शान्त स्वाभावको ब्यक्तित्व हुने भएकाले त्यसले आम्दानीमा बृद्धि गराउने छ । मनमा मेहनति र पराक्रमी भाव पैदा गराउने छ । पेशागत जीवन र ब्यापार ब्यवसायमा आलोचना गर्नेहरुको संख्या बढ्ने भएकाले मनको कुरा जथाभावी नभन्ने गर्नु होला । औषधी उत्पादन तथा आपूर्ति, अस्पतालका सामानको कारोवार गर्नेहरुको हकमा आम्दानीमा उच्च बृद्धि हुन पुग्ने छ ।

मीन
चलाखीपनामा बृद्धि हुने छ । नरम खालको ब्यक्तित्व हुने भएकाले अरुको विश्वास आर्जन गर्न सकिने छ । तर बोलीमा भने कडापन देखा पर्ने भएकाले यसले हात लागि सकेका कामहरु पनि बिग्रन पुग्ने छन् । पेशागत जीवनमा भने विचार नपु¥याइएका जस्ता समस्याहरु र अबरोधहरु आउने भएकाले पेशागत जीवनमा बाधा अड्चनहरु देखिने छन् । यसो हुँदा हुँदै पनि आम्दानीमा हुने केही बृद्धिले मनमा सन्तोष प्रदान गर्ने छ । परिवारका सदस्यहरुमा कसले नेतृत्व लिने भन्ने विषयमा मनमा मुटाब बढ्ने भएकाले अरुको भावनालाई पनि कदर गरि विचार गरेमा यसबाट जोगिन सकिने छ ।