काठमाडौं । प्रमुख प्रतिपक्षी  नेपाली कांग्रेसका सभापति शेरबहादुर देउवाले कोरोनाको माहामारीमा परि जनता छटपटाइ रहेदाँ पनि सरकारले सुने नसुनै गरेर बसेको बताएका छन् । प्रतिनिधिसभामा विश्वासको मतसम्बन्धी प्रस्तावमाथिको छलफलमा भाग लिदैं प्रमुख प्रतिपक्षी दलको नेता समेत रहेका देउवाले प्रधानमन्त्री ओलीकै कारण आजको अवस्था आइपरेको बताएका हुन् ।
जनता संक्रमित भएर अक्सिजिन नपाएर जनता मरिरहेका छन् तर यस्तो अवस्थामा आफुले काम गरे भन्नु लजामर्दो कुरा हैन् ? उनले प्रश्न गरे । उनले हाम्रो पार्टीलाई कोरोनाको लडाइमा सहयोग गर्छु भन्दा पनि सरकारले नसुनेको बताए ।
उनले भने,“कोरोना संक्रमण बढी रहेको रहेको अवस्थामा बनिरहेको धरहरा उद्घाटन गर्ने । औषधि, खोपमा भ्रष्टाचार गरेको छ । सरकारले गैर जिम्मेवार र अमानविय व्यवाहार देखाय रहेको छ ।”

आफू कार्यकारी प्रधानमन्त्री हुने अनि अरुमाथि दोष थोपर्ने ? अरुमाथि गुनासो र दोष थोपरेर जिम्मेवारीबाट प्रधानमन्त्री भाग्न पाउनुहुन्छ ?’, देउवाले प्रश्न गरे ।

उनले प्रधानमन्त्री ओलीले राखेको प्रस्तावको विपक्षमा मतदान गर्न आग्रह गरेका छन्।