काठमाडौँ । टेकुस्थित शुक्रराज ट्रपिकल तथा सरुवा रोग अस्पतालमा किट अभावका कारण कोरोना भाइरस (कोभिड–१९)को परीक्षण रोकिएको छ ।

अस्पतालले विशेष कारणवश अर्को व्यवस्था नहुँदासम्म पिसिआर परीक्षण रोकिएको जनाए पनि परीक्षण किट सकिएको अस्पतालका निर्देशक डा. सागरराज भण्डारीले जनाकारी दिए । उनले भने, ‘परीक्षणका लागि किट सकिँदा पिसिआर परीक्षण रोकेका छौँ, लकडाउनले किट आइपुगेको छैन, आउने बितिकै परीक्षण सुरु गर्छौं ।’

कोरोनाको नयाँ भेरियन्ट देशभर तीव्र गतिमा फैलिएसँगै निषेधाज्ञा भएसँगै अतिआवश्यक सामाग्रीसमेत अभाव हुँदै आएको छ ।