पाेखरा । गणडकी प्रदेशका मुख्यमन्त्री पृथ्वीसुब्बा गुरुङले पद तथा गाेपनियताकाे शपथ लिएका छन् । प्रदेश प्रमुख सीता पौडेलले बुधबार साँझ उनलाई पद तथा गोपनीयताको शपथ गराएकी हुन् ।

गुरुङलाई संविधानको धारा १६८(३) अनुसार मुख्यमन्त्री नियुक्त गरिएको हो । मुख्यमन्त्री गुरुङले अविश्वास प्रस्तावको मतदानको अघिल्लो दिन पदबाट राजीनामा दिएका थिए ।

त्यसपछि प्रदेश प्रमुखले संविधानको धारा १६८(२) अनुसार दुई वा दुई भन्दा वढी दलहरुलाई मिलेर बहुमतको सरकार निर्माणका लागि आज साँझसम्मको समयावधि दिएपनि सो समयावधिभित्र कुनै पनि गठबन्धनले बहुमतसिद्ध गरेर दाबी नगरेकोले धारा १६८ (३) अनुसार गुरुङलाई मुख्यमन्त्री नियुक्त गरिएको हो ।