काठमाडौँ । नेपाली कांग्रेसका उपसभापति विजयकुमार गच्छदारको पत्नी निर्मला गच्छदारप्रति नेकपा एमालेका वरिष्ठ नेता माधव नेपालले श्रद्धाञ्जलि दिएका छन् । उनले आफ्नो सामाजिक सञ्जालमार्फत उनले दुःख व्यक्त गर्दै श्रद्धाञ्जलि दिएका हुन् ।

कांग्रेसका उपसभापति गच्छदारकी श्रीमतीको उपचारका क्रममा शनिबार बिहान ४ बजे थापाथलीस्थित नर्भिक अस्पतालमा निधन भएको हो । कलेजोको समस्या देखिएको उनलाई केही दिनअघि कोरोना भाइरस संक्रमण पुष्टि भएपछि अस्पतालमा भर्ना गरिएको थियो ।

‘नेपाली कांग्रेसका उपसभापति एवं पूर्व उपप्रधानमन्त्री विजयकुमार गच्छदारको पत्नी निर्मला गच्छदारको उपचारका क्रममा निधन भएको खबर सुन्दा दुःख लागेको छ,’ नेता नेपालले लेखेका छन्, ‘शोकको घडीमा गच्छदारलगायत परिवारजनमा हार्दिक समवेदना र स्व. निर्मला गच्छदारप्रति भावपूर्ण श्रद्धाञ्जलि ।’