काठमाडौं । कोरोना महामारीमा खटिएका स्वास्थ्यकर्मी सम्मानमा गजेन्द्र नारायणसिंह अस्पतालका प्रमुख डा.रञ्जीत कुमार झा को ‘नसोध मलाई’ बोलको गीत सार्वजनिक भएको छ ।

लामो समयदेखि राजविराजस्थित गजेन्द्र नारायण सिंह अस्पतालमा सिनियर कन्सल्ट्यान्ट फिजिसियन तथा प्रमुखको रूपमा कार्यरत डा. झाले यतिबेला कोरोना भाइरसका संक्रमितहरूको उपचारमा खटिएका सम्पूर्ण स्वास्थ्यकर्मीहरूको सम्मानमा गीत सार्वजनिक गरेका छन् । गीतमा संक्रमितहरुको उपचारमा खटिएका स्वास्थ्यकर्मीहरुको मनोदशा चित्रणसँगै स्वास्थ्यकर्मीहरुले आफ्ना सम्पूर्ण पीडाहरु बिर्सिएर बिरामीको उपचारमा सक्रिय छन् भन्ने सन्देश दिइएको छ । भिडिओमा निर्देशक निशान कश्यपको अवधारणा तथा निर्देशन रहेको छ ।

उक्त गीतमा डा. झाको स्वर रहेको छ, भने गिरिराज निरौलाले शब्दहरु दिएका छन । यस्तै संगित डा.झा र निरौला दुबैले दिएका छन ।