काठमाडौँ । विवेकशील साझा पार्टीका पूर्वअध्यक्ष उज्वल थापाको परिवारले बीएण्डसी मेडिकल कलेजका कार्यकारी निर्देशक दुर्गा प्रसाईंले दिने भनेको सहयोग नलिने जानकारी गराएका छन् ।

थापा करिब दुई हप्तादेखि कोरोना संक्रमित भई नेपाल मेडिसिटी अस्पतालमा अस्पतालमा उपचार गराइरहेका छन् । उनको औषधी उपचारलगायतमा लागेको सबै खर्च बीएण्डसी कलेजले व्यहोर्ने प्रसाईले घोषणा गरेका थिए ।

चिकित्सकहरूको सल्लाहमा थापालाई थप अत्याधुनिक उपचार आवश्यक पर्ने देखिएपछि उनका साथी तथा शुभचिन्तकहरूले क्राउडफन्डिङबाट आर्थिक सहयोग जुटाइरहेका छन् ।

उनको सहयोगका लागि गोफन्डमीमा खोलिएको खातामा अमेरिकी डलर २२,२९१ र नेपालमा बैंक खातामा करिब २६ लाख ५० हजार जम्मा भएको छ ।