काठमाडौं । राष्ट्रपति विद्यादेवी भण्डारीले आथिर्क वर्ष २०७८/०७९ का लागि सरकारले प्रस्तुत गर्न लागेको बजेट अध्यादेश स्वीकृत गरेकी छिन् । बिहान मन्त्रिपरिषद्को बैठकले बजेटसँग सम्बन्धित रहेर तीन अध्यादेश स्वीकृतका लागि राष्ट्रपतिसमक्ष सिफारिस गर्ने निर्णय गरेको थियो ।

सोही निर्णयका आधारमा राष्ट्रपति भण्डारीले नेपालको संविधानको धारा ११४ को उपधारा (१) बमोजिम नेपाल सरकार, मन्त्रिपरिषद्को सिफारिसमा आर्थिक अध्यादेश, २०७८, विनियोजन अध्यादेश, २०७८ र राष्ट्र ऋण उठाउने अध्यादेश, २०७८ स्वीकृत गरी जारी गरेको राष्ट्रपति कार्यालयका सहायक प्रवक्ता केशव प्रसाद घिमिरेले वक्तब्य जारी गरेर जनाएका छन् ।

अव केही वेरमा सिंहदरवारस्थित प्रधानमन्त्री तथा मन्त्रिपरिषद्को कार्यालयवाट अर्थमन्त्री विष्णु पौडेलले अध्यादेशमार्फत आएको यो वजेट प्रस्तुत गर्ने छन् ।