काठमाडौँ । सर्वोच्च अदालतमा मुद्दा विचाराधीन रहेको अवस्थामा राष्ट्रिय सभा निर्वाचनको मतदानको केही घण्टाअघि जनता समाजवादी पार्टी (जसपा)बाट मन्त्री बनेका ४ जनालाई निर्वाचन आयोगले मताधिकार दिएको छ ।

जसपाले कारबाही गरेपछि पदमुक्त भएका विजयबहादुर यादव, सन्तोषकुमार पाण्डेय, कल्पना पाण्डेय लम्साल र सुमन शर्मा रायमाझीलाई मतदान शुरू हुनु १६ घण्टाअघि आइतबार साँझ ५ बजे निर्वाचन आयोगले मतदानको अधिकारको निर्णय गरेको हो ।

यसअघि आयोगले प्रकाशित गरेको मतददाता नामावलीमा उनीहरुको राखिएको थिएन । यससँगै लुम्बिनी प्रदेशमा ८३ जना प्रदेशसभा सदस्यले मतदान गर्ने छन् । चार मन्त्रीले मताधिकार पाएसँगै सत्ता पक्षका उम्मेदवारको पक्षमा १९६ मतभार बढेको छ ।

एकजना प्रदेश सांसदको मतभार ४८ रहेको छ । निर्वाचनमा एमालेका तर्फबाट चन्द्रबहादुर खड्का र विपक्षी चार दलको गठबन्धनबाट नेपाली कांग्रेसका दृगनारायण पाण्डे उम्मेदवार छन् ।

दाङको घोराहीस्थित कर्मचारी मिलन केन्द्रमा सोमबार भोलि बिहान ९ बजेदेखि दिउँसो ३ बजेसम्म मतदान हुने छ ।