काठमाडौँ । प्रमुख प्रतिपक्षी दल नेपाली कांग्रेसले सरकारले शनिबार अध्यादेशमार्फत ल्याएको बजेटबारे पार्टीको धारणा सार्वजनिक गर्ने भएको छ । दिउँसो २ बजे सिंहदरबारस्थित संसदीय दलको कार्यालयमा पत्रकार सम्मेलन गरेर बजेटबारे पार्टीको आधिकारिक धारणा सार्वजनिक गर्ने तय भएको विघटित प्रतिनिधि सभामा पार्टीका प्रमुख सचेतक बालकृष्ण खाणले जानकारी दिए ।

प्रधानमन्त्री केपी शर्मा ओलीको सिफारिसमा ७ जेठको मध्यरातमा राष्ट्रपति विद्यादेवी भण्डारीले प्रतिनिधि सभा विघटन भएपछि कांग्रेससहितका ५ दलले सर्वोच्च अदालतमा बदरको माग गर्दै रिट दायर गरेका छन् । त्यो रिटमा संवैधानिक इजलासमा सुनुवाइ भइरहेको छ । तर, सरकारले अध्यादेशमार्फत बजेट ल्याएको भन्दै विपक्षी ५ गतबन्धनले संयुक्त विरोध जनाइसकेका छन् ।