काठमाडौं । आज २०७८ साल ज्येष्ठ महिनाको १९ गते बुधबार, ज्येष्ठ कृष्णसप्तमी तिथि, उपरान्त अष्टमी तिथि । अब लागौं आजको राशिफलतर्फ

मेष
समय सकारात्मक रहेको छ । मान सम्मान र कीर्ति प्राप्त हुने छ । मनोकामना पुरा हुनेतर्फ जाने छ । आम्दानीमा बृद्धि हुने छ । पेशागत जीवनमा पनि सकारात्मक अवस्था रहने छ । बोलीको प्रभाव बढ्ने छ । भाग्यको बलियो साथ रहेकाले आँटेका कामहरुमा जाँगर पैदा हुने छ । दुध, पानी, गाईपालन, बोडिङ्ग स्कूल, कलेज तथा विश्वविद्यालय, शिक्षा क्षेत्र, अध्ययन अध्यापन, पेय पदार्थ, मदिरा, आदीमा सहभागिहरुको आम्दानी बृद्धि हुने छ ।

वृष
जीवनपद्धतिमा सहजता आउन थाल्ने छ । आत्माबल उच्च हुने छ । भाग्यको साथ रहेकाले आम्दानीमा पनि बृद्धि हुने छ । तर साझेदारीमा गरिएका कामहरुमा भने समस्याहरु दखा पर्न थाल्ने छ । पेशागत जीवनमा प्रगति हुने छ । कामको कदर हुने छ । यससँगै रिसाहा ब्यक्तित्व हुने भएकाले यसबारेमा ध्यान दिनु होला । अरुले कडा शैलीको ब्यक्तित्व भएको आभाष गर्ने छन् । चार्टड एकाउन्टेण्ट, उद्योग, कलकारखाना, आयात निर्यात, लेखा व्यवसाय, ढुवानीका सवारीसाधन, औषधीको आपूर्ति आदीमा संलग्नहरुलार्य समय शुभ रहेको छ ।

मिथुन
भाग्य बलियो रहेको छ । पेशागत जीवनमा महत्वपूर्ण जिम्मेबारी संहाल्नु पर्ने समय छ । कार्यालयमा रोजगारी गर्नेहरुले आफु भन्दा तलका कर्मचारीसँग भने सतर्क रहनु होला । उद्योग प्रतिष्ठान तथा कार्यालयमा श्रम समस्या गम्भीर बनेर देखा पर्ने छ । मनोबल उच्च हुने भएकाले दृढ ब्यक्तित्व हुने छ । तर रिस भने अत्याधिक कडा खालको हुने भएकाले संयमित रहने प्रयास गर्नु होला । जीवनसाथिको सल्लाह लिएर काम गरेमा फाईदा मिल्ने छ । राजनीति, श्रम क्षेत्र, ठेक्कापट्टा, छालाजन्य कारोवार, औषधीको कारोवार, गरगहनाको ब्यापार, न्याय क्षेत्र, प्रशासन, आदीमा सहभागिहरुलाई समय प्रतिकुल रहेकाले संयमित रहनु होला ।

कर्कट
समय प्रतिकुल खालको चलिरहेकाले धैर्य रहनु होला । रोजगारी तथा तथा व्यवसायमा समस्याहरु देखा पर्न थाल्ने छन् । साझेदारीमा गरिएका काममा पनि समस्याहरु देखा पर्ने छन् । सन्तानबाट पनि सुख प्राप्त हुने छैन् । मनमा अत्याधिक उदासिनता देखा पर्ने छ । मनमा निराशा भावले पिरोल्ने छ ।समय प्रतिकुल रहेकाले गर्न खोजेको काममा निकै ढिला गरि मात्र नतिजा प्राप्त हुने छ ।स्टेशनरी, लेखन, अध्ययन, अध्यापन, शिक्षा क्षेत्र, शिक्षक, विद्यालय, कलेज, प्रेस जगत, होटल, रेष्टुरेण्ट, आदीमा संलग्नहरुका लागि समय प्रतिकुल रहेको छ ।

सिंह
आम्दानी गर्नु पर्दछ भन्ने मनोबलमा ब्यापक बृद्धि हुन पुग्दा आम्दानी बढाउन अग्रसता लिने ब्यक्तित्व हुने छ । पेशाप्रति समर्पित हुने र मेहनत गर्न मन लाग्ने छ । हाकिमसँग तादम्यता कायम हुने छ । साझेदारीमा गरिएका काममा केही प्रगतिहरु देखा पर्ने छन् । दाम्पत्य जीवनमा मधुरता छाउने छ । राजनीति, ब्यवस्थापन, संचारकर्मी, पत्रकारिता, वाणिज्य, बजारीकरण, सञ्चार क्षेत्र, ब्यापार विजनेश आदी जस्ता क्षेत्रमा संलग्नहरुलाई फाइदा मिल्ने समय सक्रिय छ ।

कन्या
संयमित रहनु पर्ने समय रहेको छ । पेशागत जीवनमा शत्रुता बढ्न पुग्ने छ । आम्दानीमा ह्रास आउने छ । दाम्पत्य जीवनमा पनि कठिनाई र बिबाद चर्किने छ । मनमा दुविधा र अत्याधिक बढि विचारहरु आएर अन्योलतामा पारि दिने छ । साझेदारीमा गरिएका काममा पनि अवरोधहरु आउने छन् । सरसापटीको कारोवार गर्दा निकै ध्यान दिएर मात्र गर्नु होला । ब्यवस्थापन, पत्रकारिता, वाणिज्य क्षेत्र, मेडिकल क्षेत्र आदीमा सहभागिहरुलाई भने समय अनुकुल बन्ने छ ।

तुला
भित्रि बुद्धि सक्रिय हुने छ भने चलाखीपनामा पनि तिब्रता आउने छ । पेशागत जीवनमा उन्नति प्रगति हुने छ । तर जति नेतृत्वदायि अपेक्षा गरिएको हुन्छ उक्त क्षमतामा भने गिरावट आउने छ । ब्यवस्थापन क्षमतामा पनि कमि आउने भएकाले यसबारेमा निकै ध्यान दिनु होला । अध्ययन अध्यापनमा तिब्र मन जाने छ । जीवनसाथिको सल्लाहमा काम गरेमा प्रगति हुने छ । राजनीति, लेखन, पत्रकारिता, गरगहरनाको ब्यापार, व्यवस्थापन, प्रकाशन गृह, वाणिज्य, बैंकिङ्ग जस्ता क्षेत्रमा रहेकाहरुलाई समय प्रतिकुल छ ।

वृश्चिक
परिवारको साथबाट सुख, शान्तिको अनुभुति हुन जाने छ । परिवारका सदस्यहरुले तपाईप्रति विश्वास गर्ने छन् । तर सोचमा भने नकारात्मकताले स्थान पाउने छ । भाग्य बलियो भएकाले नकारात्मक परिस्थितिसँग जुध्न सक्ने मनमा दृढता हुने छ । सकारात्मक दृष्टिकोण कम नकारात्मक विचार बढि हुन पुग्ने छ । शारीरिक थकानका कारण मांसपेशिहरुको कमजोरी देखा पर्ने छ ।सेक्युरिटी पेशा, खेल जगत, जिमखाना संचालन, होटल, रेष्टुरेण्ट घर जग्गाको कारोवार, सुरक्षा फौज, सेना आदी जस्ता क्षेत्रमा सहभागिहरुलाई समय प्रतिकुल रहेको छ ।

धनु
संयमित रहनु पर्ने समय रहेको छ । पेशागत जीवनमा बादबिबाद तथा तानातानमा फस्ने पुगिने छ । मेहनत र पराक्रमी भावमा ह्वात्तै कमि आउने छ । शत्रुतामा बृद्धि हुन जाने भएकाले हरदम यसबारेमा संयमित भएर पाईला चाल्नु होला । भाग्यको साथ नरहेकाले मेहनत धेरै तर फल निकै कम मात्र प्राप्त हुने छ । रोजगारी गरिरहेकाहरुलाई समय औसत छ भने ब्यवसाय गरिरहेकाहरुका लागि भने समय प्रतिकुल बन्न पुगेको छ । राजनीति, ठेक्कापट्टा, गरगहनाको ब्यापार, वाणिज्य, ब्यवस्थापन, पत्रकारिता, स्टेशनरी जस्ता क्षेत्रमा कार्यरतहरुलाई सतर्क रहनु पर्ने समय छ ।

मकर
दृढ खाले ब्यक्तित्व हुने छ तर रिस पनि उत्तिकै उठ्न जाने भएकाले यसबारेमा संयमित हुनु होला । प्रतिष्पर्धात्मक स्वाभाव हुने छ । पेशागत जीवनमा द्वन्द देखा पर्ने छ । आम्दानीमा पनि कमि आउन जाँदा यसले आर्थिक ब्यवस्थापनमा दबाब सृजना गरिदिने छ । पारीवारिक मिलन हुने छ । परिवारको साथ रहनाले कठिन अवस्थाहरुमा पनि संहालिन सक्ने तागत आउने छ । फोहर ब्यवस्थापन, फलाम, उद्योग कलकारखाना, ठेक्कापट्टा, छालाजन्य कारोवार, निर्माण क्षेत्रमा आवद्धहरुलाई समय अनुकुल बन्न पुग्ने छ ।

कुम्भ
ब्यक्तित्वको प्रभाव बढ्न जाँदा सबैको साथ र समर्थन मिल्ने छ । पेशागत जीवनमा प्रगति हुने छ । चलाख ब्यक्तित्व हुने छ । जीवनसाथिको साथ लिएर काम गरेमा प्रगतिको मात्रा अझ बढ्ने छ । आम्दानीमा केही बृद्धि हुन जाने छ । परिवारका सदस्यहरुले विश्वास गर्ने छन् । शत्रु भने धेरै लाग्ने छन् । अर्थात प्रतिष्पर्धी धेरै बन्न पुग्ने छन् । बोलीको प्रभावमा कमि आउने छ । दार्शनिक तर्क वितर्क, लेखन, प्रवचन, सात्विक क्षेत्र, अध्ययन अध्यापन, परामर्श, शिक्षा क्षेत्र, बौद्धिक पेशा जस्ता क्षेत्रमा संलग्नहरुलाई लाभ मिल्ने छ ।

मीन
संयमित भएर पाईला चाल्नु पर्ने समय रहेकाले संयमतासहित हिड्नु होला । अनावश्यक खर्च गर्नै पर्नै अवस्था आउने छ, खासगरी अस्पतालजन्य खर्च बढ्न पुग्ने छ । अध्ययन अध्यापनमा पटक्कै मन लाग्ने छैन् । मनमा दुविधा र अन्योलता देखा पर्ने छ । उदासिनताले डेरा जमाउने छ । भाग्यको साथ नभएकाले संघर्ष धेरै गर्नु पर्ने छ । जीवनसाथिको सल्लाह लिएर कार्य अघि बढाएमा सफलताको मात्रा बृद्धि हुने छ । रोजगारी गरिरहेकाहरुलाई समय औसत रहेता पनि ब्यवसाय गरिरहेकाहरुलाई समय प्रतिकुल छ ।