काठमाडौं । आज २०७८ साल ज्येष्ठ महिनाको २१ गते शुक्रबार, ज्येष्ठ कृष्णनवमी तिथि । अब लागौं आजको राशिफलतर्फ

मेष
मनोबल कमजोर हुने छ । आफुले आफैप्रति गर्ने विश्वासमा कमि आउने छ । समय अलि चुनौतिपूर्ण देखिएकाले संयमित रहनु होला । मनमा दुविधा देखा पर्ने छ । बोलीमा प्रभावकारीता देखिएता पनि पारीवारिक जीवनमा केही असमझदारी देखा पर्ने छन् । घर घडेरीसँग सम्बन्धित समस्या देखा पर्ने छ । घर घडेरी बेच्नु पर्ने बाध्यात्मक अवस्था निम्तिन सक्छ । पेशागत जीवन औसत रहने छ । सेक्युरिटी सेवा, होटल, रष्टुरेण्ट, घर घडेरी, सेना, प्रहरी, खेल जगत आदीमा संलग्नहरुलाई समय प्रतिकुल रहेको छ ।

वृष
आत्माविश्वास दृढ बन्ने छ । भाग्य बलियो छ । पेशागत जीवनमा शुभ रहने छ । आम्दानीमा केही बृद्धि हुने छ । रिस कडा प्रकृतिको देखिने छ, रिस नियन्त्रण गर्ने तर्फ ध्यान दिनु होला । पराक्रम र मेहनती स्वाभावमा कमि आउने छ ।साझेदारीमा गरिएका कामहरुमा समस्या देखा पर्ने छ । परिवार प्रति समर्पित हुने दृष्टिकोणमा बृद्धि हुने छ । यात्रामा राखिएको योजनामा समस्या आउने छ । दाम्पत्य जीवनमा कटुता देखा पर्न जाने छ ।

मिथुन
परिवारको साथका कारण कर्म र पेशामा ठुलो मद्धत पुग्ने छ । पेशागत जीवनमा अनुकुल रहने छ । तर आम्दानीमा कमि आउने छ । भाग्यको साथ नहुँदा कार्य सफलता भने प्राप्त हुने छैन ।साझेदारीमा गरिएका कामहरुबाट भने फाइदा मिल्ने छ । दाम्पत्य जीवनमा मधुरता आउने छ । ब्यापार, वाणिज्य, पत्रकारिता, लेखन, वाचन, ब्यवस्थापन, लेखा क्षेत्रमा संलग्नहरुलाई समय प्रतिकुल रहेको देखिन्छ ।

कर्कट
पेशागत जीवनमा गम्भीरखाले समस्या आउने भएकाले आफ्नो पेशामा समर्पित भई काम गर्नु होला । साझेदारीमा गरिएका गरिएका कामहरुका बिबाद देखा पर्न जाने छ । दाम्पत्य जीवनमा पनि बादबिबादले स्थान पाउने छ । अध्ययन अध्यापनमा मन लाग्ने छैन् । मनोबल निकै कमजोर हुने छ । निर्णय क्षमतामा कमि देखिँदा स–साना विषयमा पनि निर्णय लिन कठिनाई देखा पर्ने छ । खेल जगत, ठेक्कापट्टा, होटल, रेष्टुरेण्ट, जिमखाना आदीमा संलग्नहरुलाई समय प्रतिकुल रहेकाले धैर्य भएर पाइला चाल्नु होला ।

सिंह
शारीरिक कमजोरी वा रोगका कारण अस्पतालको खर्च बढ्न पुग्ने छ । सुख शान्तिमा कमि आउने छ । मनोबलमा पनि गिरावट आउँदा कमजोरी महशुस हुने छ । माथिल्लो पेट, ग्याष्ट्रिक, छाति, कलेजो सम्बन्धि समस्या देखा पर्न जाने चुनौति रहेकाले सतर्क रहनु होला । पेशागत जीवन भने शुभ नै रहने छ । आम्दानीमा केही बृद्धि नै हुन पुग्ने छ । सौन्दर्यका सामान, औषधीको ब्यापार, मेडिकल, रंगको कारोवार आदीमा सहभागिहरुलाई समय अनुकुल रहने छ ।

कन्या
मेहनतीपना र पराक्रमी भावनामा गिरावट आउने छ । आम्दानीमा उच्च गिरावट आउने छ । पुरा नै नगर्ने विषयमा महत्वाकांक्षा लिँदा उक्त पुरा हुने छैन जसले धेरै निराशा ल्याउने छ । भाग्यको साथ रहने भएकाले कठिन घडिमा संघर्ष गर्न केन्द्रीत हुने तागत भने पैदा हुने छ । साझेदारीमा गरिएका काममा साझेदारहरुका बीच द्वन्द बढ्न पुग्ने छ । जीवनसाथिको साथ लिएर काम गरेमा आम्दानीमा केही बृद्धि गराउने छ ।

तुला
ब्यापार विजनेशमा पनि धेरै जोखिम मोल्ने समय रहेको छैन् । ब्यापार विजनेशमा घाटा व्योहर्नु पर्ने छ । समय प्रतिकुल चलिरहेकाले संयमित रहनु होला । पेशागत जीवनमा समस्या निम्तिने भएकाले धेरै सतर्क भएर पाइला चाल्नु होला । सिमेण्ट, फलामजन्य सामाग्रीको ब्यापार गर्नेहरु, निर्माण सामाग्री, श्रम जस्ता क्षेत्रमा संलग्नहरुलाई भने केही अनुकुल बन्ने छ । बोलीको प्रभाव कमि हुने भएकाले काम बिग्रिन पुग्न जाने हुँदा यसबारेमा संयमित रहनु होला ।

वृश्चिक
कमजोर शारीरिक अवस्था बन्ने छ । मांसापेशी दुख्ने, उच्चरक्तचाप जस्ता समस्या देखिन जाने छ । कमजोर ब्यक्तित्व हुने भएकाले निर्णय क्षमतामा गिरावट आउने हुँदा अरुले हेप्न खोज्ने छन् । निराशापूर्ण भाव पैदा हुने छ । पेशागत जीवनमा भने ठिकै ठिकै रहने छ । भाग्यको साथ नहुनाले जीवन संघर्षपूर्ण हुने छ । जीवनसाथिको साथ लिएमा सान्त्वना मिल्ने भएकाले सोही अनुसार अघि बढ्नु होला ।

धनु
मनोवलमा ब्यापक गिरावट आउने छ । प्रतिष्पर्धात्मक स्वाभाव भने केही तागत देखा पर्ने छ । मनमा निराशा छाउने छ । होटल, रेष्टुरेण्ट, ठेक्कापट्टा, स्वास्थ्य क्षेत्र आदीमा सहभागिहरुलाई समय प्रतिकुल देखिन्छ । पारीवारिक जीवनमा भने मिलन पैदा हुने छ । बोलीमा कडापना देखिने भएकाले यसबारेमा विचार पु¥याउनु होला । शारीरिक चोटपटक लाग्ने खतरा रहेकाले यसबारेमा ध्यान दिनु होला ।

मकर
पारीवारिक जीवनमा मिलन प्राप्त हुने छ । तर रिस बढि हुन पुग्ने भएकाले यसबारेमा ध्यान दिनु होला । उच्च दृढ ब्यक्तित्व हुने छ । तर दाम्पत्य जीवनमा भने समस्या देखिने छ । अध्ययन अध्यापनमा मन लाग्ने छैन् । साझेदारीमा गरिएका काममा झैझगडा हुने छ । धार्मिक क्षेत्र, अनुसन्धान, खोज, कुटनीति, पुरातत्व क्षेत्रमा रहेकाहरुलाई समय अनुकुल बन्ने छ । होटल, रेष्टुरेण्ट, डान्सबार, बाउन्सर क्षेत्रमा संलग्नहरुलाई समय प्रतिकुल रहेकाले धैर्यतापूर्वक पाइला चाल्नु होला ।

कुम्भ
बोलीमा मधुरता आउने छ, जसका कारण अरुको विश्वास जित्न सकिने छ । ज्ञान भाव प्रवल हुने छ । तर प्रतिष्पर्धात्मक स्वाभावमा कमि आउने छ । अलि लुलो ब्यक्तित्व हुन जाने छ । शत्रुले पेल्ने भएकाले यसबारेमा निकै ध्यान दिनु होला । पेशागत जीवनमा पनि समस्या देखा पर्ने छ । त्यसैले पेशागत जीवनमा उच्च सतर्कतापूर्वक कदम चाल्नु होला । भाग्यको साथ रहेकाले भित्रि बुद्धि केही सक्रिय हुन पुग्दा केही राहत मिल्ने छ ।

मीन
सितल स्वाभावको ब्यक्तित्व हुने छ । अध्ययन अध्यापनमा मन लाग्ने छैन् । भाग्यको साथ कम रहेकाले निराश नभई अघि बढ्ने तर्फ ध्यान दिनु होला । मन बलियो हुने भएकाले कठिनाईमा पनि धैर्य भएर अघि बढ्न मनमा दृढता आउने छ । पेशागत जीवनमा पनि समस्या देखा पर्न जाने छ । निर्माण सामाग्री, सिमेण्ट, डण्डि, फलाम जस्ता क्षेत्रमा संलग्नहरुलाई केही फाइदा मिल्ने छ । समय अलि प्रतिकुल चलिरहेकाले विचार गरेर अघि बढ्नु होला । धर्म अध्यात्म, योग, ध्यानमा केन्द्रीत हुनु भएमा मद्धत पुग्ने छ ।