काठमाडौँ । पशु लिएर चराउन गएका जाजरकोट जिल्लाको जलजला पाटनमा बेपत्ता भएका ७ जना भेटिएको प्रहरीले जनाएको छ । प्रहरी र स्थानीयले उनीहरूलाई भेटी खाना खुवाउने काम गरिएको जाजरकोटका जिल्ला प्रहरी कार्यालयका डिएसपी मधुकुमार थापाले जानकारी दिए ।

गत मंगलबारदेखि हराएकाहरूमा कुशे गाउँपालिका ८ औलरिजाका ३५ वर्षीय दिलबहादुर खड्का, २५ वर्षीय विक्रम खड्का, २८ वर्षीया चन्द्रा खड्का, १८ वर्षीय भविन्द्र खड्का, १२ वर्षीय मीम खड्का, १७ वर्षीया धनसरा खड्का र वडा नं ९ का ४० वर्षीय कृष्ण रोकाय रहेका छन् । उनीहरूलाई शुक्रबार बिहान भेटिएको डिएसपी थापाले बताए ।

खाना खान नपाएका उनीहरू चिसोका कारण कमजोर भएका थिए । उनीहरूलाई पाटनकै प्राथमिक उपचार केन्द्रमा उपचार भइरहेको छ ।