काठमाडौं । राष्ट्रिय प्रजातन्त्र पार्टी (राप्रपा ) परित्याग गरी नेपाली कांग्रेसमा आएका सुनील थापा समूहका ५५ जनालाई कांग्रेसले महासमिति सदस्य दिएको छ । सहमहामन्त्री थापासहित १० जना कांग्रेस केन्द्रीय कमिटीमा समेत छन् । कांग्रेस मा केन्द्रीय सदस्य स्वतः महाधिवेशन प्रतिनिधि हुने व्यवस्था छ ।

कांग्रेस पार्टी सचिव कृष्णप्रसाद पौडेलले समायोजनका नाममा थापा समूहका ४५ जनाले भने १४ औं महाधिवेशनको प्रतिनिधि हुने भएकाले वडाबाट चुनाव जितेर आउनुपर्ने बताए ।

महासमिति सदस्य स्वत महाधिवेशन प्रतिनिधि हुने भए पनि निर्वाचित भएर आउनुपर्ने प्रावधान छ । थापा समूहले १ सय ५० जना महासमिति सदस्य माग गरेपनि असार ८ गते ५५ जनालाई समेटिएको थियो ।