काठमाडौं । पशुपंछीको आवाज निकालेर युट्युबमा भाइरल बनेकी महिला सन्तोषी सुब्बाको हत्या गरेको अभियोगमा प्रहरीले एक युवकलाई पक्राउ गरेको छ ।

महानगरीय अपराध अनुसन्धान टोलीले काठमाडौंको असनबाट अन्दाजी २१ वर्षीय सुरेश तिम्सिनालाई पक्राउ गरेको हो । अनुसन्धानमा खटिएका एक प्रहरी अधिकारीका अनुसार बलात्कार प्रयास गरेको र सुब्बाले प्रतिकार गरेपछि हत्या गरेको पाइएको छ ।

सोही विषयमा प्रहरीले साढेँ ११ बजे पत्रकारसम्मेलन गर्ने जनाइएको छ । मंगलबार प्रहरीले काठमाडौं कालोपुल बस्दै आएकी सन्तोषी सुब्बाको दक्षिणकाली मन्दिर नजिकै रहेको पार्किङ सँगैको शौचालयमा शव फेला परेको थियो ।