रौतहट । रौतहट जिल्लाको मौलापुर नगरपालिकाको नगरसभामा झडप भएको छ । माओवादी छोडेर एमाले प्रवेश गरेका प्रभु साहको श्रीमति नगरपालिका प्रमुख रहेको उक्त नगरपालिकाको नगरसभामा साहको पार्टी एकातिर र अन्य अर्काेतिर हुने गरी झडप भएको हो ।

झडप पछि प्रहरीले अश्रुग्यास प्रहार गरेको छ । नगरपालिकाको नगरसभामा एमाले नेता साह प्रमुख अतिथि बनेर पुगेका थिए ।

उनकी श्रीमती रिनाकुमारी साह मेयर रहेको नगरपालिकामा मेयर छिन् ।

उनी माओवादी केन्द्रबाट गत स्थानिय तहको चुनावमा निर्वाचित भएकी थिइन् । तर माओवादी केन्द्रले उनको पदमुक्त गर्न भन्दै निर्वाचन आयोगमा पत्र वुझाएको छ । आयोगले त्यसउपर कारवाही गरी पदमुक्त गरिसकेको छैन ।