काठमाडौँ । नेकपा एमाले अध्यक्ष केपी शर्मा ओलीले वरिष्ठ नेता माधव नेपाललाई भेटौँ भनेर आग्रह गरेको बताएका छन् । तर, नेपालले फोन उठाए पनि खासै कुरा हुन नसकेकाे उनले बताए ।

आज बसेको पार्टीको केन्द्रीय कमिटी बैठकमा ओलीले नेता नेपालले आफूसँग वार्ता गर्न नचाहेको बताएका थिए । ‘बिहीबार बेलुका नेपालसँग २०/२५ मिनेट फोनमा कुरा गरेर भेटौँ भने तर, मान्नु भएन,’ ओलीले भने ।

उनले थपे, ‘मैले भेटौँ भनेर हिजो बेलुकी माधवलाई फोन गरेँ, २०/२५ मिनेट कुरा गरेँ, भेटौँभन्दा माधवले मान्नु भएन । ‘ ओलीले नेपालले आफूसँग मलाई तपाईंको फोन उठाउने मन थिएन, तर साथीहरूको दबाबले मात्र उठाएको हुँ भनेको बताए ।