काठमाडौँ । नेकपा एमालेले विदेशबाट फर्केर आएकाहरुलाई संगठित गर्ने भएको छ । वैदेशिक रोजगारी तथा लामो समय विदेशमा बसेर फर्केहरुलाई संगठित गर्न जनवर्गीय संगठन निर्माण गर्न ‘रिटर्नी फेडरेशन नेपाल’ नाम प्रस्ताव गरिएको छ ।

शनिबार प्रधानमनत्री निवास बालुवाटारमा बसेको एमाले केन्द्रीय कमिटी बैठकमा केन्द्रीय सदस्य माधव ढुंगेलले प्रस्ताव पेश गर्दै संगठनको लिखित अवधारणा अध्यक्ष केपी शर्मा ओलीलाई बुझाएका छन् ।

विदेशबाट फर्किएका एमाले समर्थक तथा सदस्यहरु अहिले सातै प्रदेशमा संगठित भइरहेको र उनीहरुलाई पार्टीले औपचारिक रुपमा जनवर्गीय संगठनभित्र समेटेर लैजानुपर्ने ढुंगेलले बताए ।