काठमाडौं । गत जेठ २० गतेदेखि हराईरहेकी महोत्तरीको लोहारपट्टी नगरपालिका–७ भ्रमरपुरा गाउँकी २६ वर्षीया सुजिता ठाकुर मृत अवस्थामा फेला परेकी छन् ।

सेफ्टीट्यांकीको जगमा पुरेर ढलान गरिएको अवस्थामा उनको शव फेला परेको जिल्ला प्रहरी कार्यालय महोत्तरीका प्रवक्ता प्रहरी नायव उपरिक्षक (डिएसपी) प्रकाश विष्टले मेरोन्युजलाई जानकारी दिए ।

उनले भने,‘उहाँको शव उनकै घरकै सेफ्टिीट्यांकीको जगमा फेटिएको हो । सेफ्टीट्यांकी करिब ९ फिटको छ उनको शब सोही सोफ्टीट्यांकीको जगमा पुरेर ढलान गरिएको अवस्थामा काठहरुले लुकाएको अवस्थामा फेला परेको हो ।’

प्रहरीले ठाकुरको शव बरामद गरेर जनकपुर प्रादेशीक अस्पतालमा पोष्टमार्टमका लागि पठाईएको डिएसपी विष्टले जानकारी दिए । शवको आस्था हेर्दा धेरै अगाडि नै उनको हत्या गरिएको हुन सक्ने प्रहरीले आकलन गरेको छ ।

उनको शव पहिचान भएसँगै प्रहरीले सुजिताको हत्या आरोपमा श्रीमान्, देवरसहित पाँच जनालाई नियन्त्रणमा लिएर अनुसन्धान थालेको डिएसपी विष्टले जनाएका छन् । स्थानीय मुकेश ठाकुरकी पत्नी सुजिता हराएपछि माइती पक्षले उनको हत्या भएको भन्दै प्रहरीमा उजुरी दिएको थियो ।

जिल्लाकै पिपरा गाउँपालिका–६ रतौली माइती रहेको सुजिताकी आमा सुनिता पाण्डेय र दाजु जितेन्द्रले सुजिताको हत्या गरेको आरोप लगाएका थिए ।