काठमाडौँ । नेपाली कांग्रेसका सभापति शेरबहादुर देउवालाई भेट्न नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ देउवा निवास बुढानीलकण्ठ पुगेका छन् । सर्वोच्च अदालतको आदेशसँगै आज मंगलबार प्रधानमन्त्री हुन लागेका देउवासँग मन्त्रिपरिषद गठनबारे छलफल गर्न प्रचण्ड देउवा निवास पुगेका हुन् ।

पेरिसडाँडामा पार्टी बैठक सकेर दाहाल देउवालाई भेट्न पुगेको माओवादीका एक नेताले जानकारी दिए । मन्त्रिपरिषद्को संख्या र सदस्यबारे टुंगो लगाउन छलफलमा जुटेका हुन् ।

देउवाले पहिलो चरणमा तीनजना मात्रै मन्त्री नियुक्त गर्ने तयारी गरेका छन् । उनले आफ्नो दल कांग्रेस र सत्ता साझेदारी गर्न लागेका दलहरूसँगको छलफलमा पहिलो चरणमा तीनजना मन्त्रीलाई मात्रै शपथ गराउने प्रस्ताव गरेका छन् ।

प्रधानमन्त्री बनेको ३० दिनभित्र संसद्‍मा विश्वासको मत लिनुपर्ने प्रावधान भएकाले त्यसअघि ठूलो मन्त्रिपरिषद् नबनाउने तयारी देउवा रहेका हुन् ।