काठमाडौं । भोलिदेखि लामो दूरीका सार्वजनिक सवारी साधन चल्न दिने तयारी भएको छ । काठमाडौं उपत्यकाका तीन जिल्ला काठमाडौं, ललितपुर र भक्तपुरका प्रमुख जिल्ला अधिकारी (सिडिओ)ले आज बस्ने बैठकबाट निर्णय गर्ने भएका हुन् ।

लकडाउन खुकुलो भएको १० दिनपछि उपत्यकाका सिडिओले लामो दुरीको सवारी सञ्चालन दिन लागेको हो । तर अत्याधिक भिडभाड हुने क्षेत्र विद्यालय, सिनेमा हल, जिमखाना, स्वीमिङपुल, पार्टिप्यालेस, मठमन्दिरहरुको हकका पहिला कै नियम कायम गरिने बताइएको छ ।

ललितपुरका सिडिओ ढुण्डीप्रसाद निरौला सर्वसाधारण नागरिकलाई लक्षित गर्दै सार्वजनिक सवारी सञ्चालनको तयारी गरिएको बताए ।
उनका अनुसार ‘लामो दूरीका सार्वजनिक सवारी चलाउँदा अनिवार्य रुपमा स्वास्थ्य प्रोटोकल अपनाएर गाडी चल्न दिने भन्ने छ । जोर–बिजोरका आधारमा चल्न दिने कि अन्य प्रावधानबाट चल्न दिने भन्नेबारे आज बैठकले निर्णय गर्ने छ ।