काठमाडौँ । नेपाली कांग्रेसको महाधिवेशन नजिकिँदै गर्दा पार्टीको संस्थापक कोइराला परिवारबाट साझा उम्मेदवार तय गर्ने प्रयास सुरु भएको छ । सभापतिमा दाबी गर्दै आएका महामन्त्री शशांक कोइरालासहित शेखर कोइराला र सुजाता कोइराला लञ्च मिटिङमा जुटेका हुन् ।

शशांकको निवास महाराजगञ्जमा कोइराला परिवारबीच छलफल सुरु भएको हो । विपी पुत्र शशांक, गिरिजापुत्री सुजाता र नोना पुत्र शेखर तीनै जनाले सभापतिमा दाबी गर्दै आएका छन् ।

कोइराला परिवारबाट साझा उम्मेदवार बनाउने प्रयत्न जारी हुँदै गर्दा सुजाता भने उपप्रधानमन्त्रीसहित सरकारमा सहभागी हुने कांग्रेसभित्र चर्चा चल्न थालेको छ ।