काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्ड र एमाले नेता माधव नेपालबीच भेट वार्ता भएको छ । शनिबार दिउँसो प्रचण्ड नेता नेपाललाई भेट्न उनकै निवास कोटेश्वर पुगेका हुन् ।

स्रोतका अनुसार दुई नेताबीच पछिल्लो राजनीतिक अवस्थाबारे छलफल भइरहको छ ।
भोलि बस्ने प्रतिनिधिसभा बैठकका लागि नेपाली कांग्रेस सभापति शेरबहादुर देउवा नेतृत्वको सरकारबारे छलफल भइरहेको छ ।

नेपाललाई भेट्न केही दिनअघि प्रधानमन्त्री देउवा नेपाल निवास पुगेका थिए । छलफलमा नेपालले संसद बचाउन भए पनि सरकारलाई विश्वासको मत दिने आग्रह गरेका थिए ।