काठमाडौँ । नव गठित नेकपा (एकीकृत समाजवादी) पार्टीकी नेतृ रामकुमारी झाँक्रीले आफूहरूको पक्षमा नेताहरू थप भएको बताएकी छन् । बुधबार निर्वाचन आयोगमा नयाँ दल गर्नका लागि सनाखत गर्न पुगेकी उनले पत्रकारसँग बोल्दै यस्तो बताएकी हुन् ।

उनले प्रतिनिधिसभामा तीन जना र राष्ट्रियसभामा दुई जना सांसदहरू बढेको बताएकी हुन् । उनले एक जना नेताले नयाँ पार्टीमा आउन सनाखत गर्न नपाएकाले छुटेको जानकारी दिइन् ।

पत्रकारहरुसँगको कुराकानीमा उनले आफूहरूको अभियानमा सामेल हुन आउने सबै जनाका लागि ढोका खुला नै हुने बताएकी थिइन् । उनले भनिन्, ‘हाम्रो चाहनाले को आउने र नआउने भन्ने हुँदैन, त्यही भएर उहाँहरूलाई ढोका ओपन नै राख्नु पर्छ ।’

यस्तै, उनले नेकपा एमालेका उपध्याक्ष बामदेव गौतम पदबाट राजीनामा दिएर आउने उल्लेख गरेकी थिइन । उनले भनिन्, ‘बामदेव गौतम कमरेडले त राजीनामा नै दिएर आउने भन्ने कुरा मिडियामा आएको सुनेको छु ।’