काठमाडौँ । नेपाली कांग्रेसका नेता गगन थापाले १४ औँ महाधिवेशनका लागि आफ्नो उम्मेदवारीको घोषणा गरेका छन् । उनले महामन्त्री पदमा उम्मेदवारी दिने घोषणा गरेका हुन् ।

सोमबार काठमाडौँ महानगरपालिका ३० मा आयोजित एक कार्यक्रमलाई सम्बोधन गर्दै नेता थापाले महामन्त्रीमा उम्मेदवारी दिने बताएका हुन् । १३ औँ महाधिवेशनमा पनि उनी महामन्त्रीमा उम्मेदवार दिएका थिए ।

उक्त महाधिवेशनमा उनले ५८४ मत ल्याउँदै पराजीत भएका थिए । उक्त महाधिवेशनमा रामचन्द्र पौडेल पक्षका डा शशांक कोइराला निर्वाचित भएका थिए ।