काठमाडौं । राष्ट्रिय महाधिवेशनको तयारीमा रहेको राष्ट्रिय प्रजातन्त्र पार्टी (राप्रपा)का अध्यक्ष कमल थापालाई यतिबेला तीज लागेको छ ।

हरितालिका तीजको अवसरमा मकवानपुरको आफ्नो निर्वाचन क्षेत्र पुगेका उनी महिलाहरुसँगै छमछमी नाँचे ।

थापा महिलाहरुको चाड हरितालिका तीजको अवसरमा राप्रपाको हेटौंडा ८ स्थित वडा कमिटीले आयोजा गरेको तीज विशेष कार्यक्रममा सहभागी भएका हुन् ।

गृह जिल्लाको पार्टी वडा कमिटीले आयोजना गरेको तीज विशेष कार्यक्रममा सहभागी भई राप्रपा अध्यक्ष थापा महिलाहरुसँगै नाचेका थिए । तीजका अवसरमा शुभकामना आदानप्रदान गर्ने उद्देश्यले महिलाहरुले तीज विशेष कार्यक्रम आयोजना गरेका थिए ।