काठमाडौँ । नेपाल र भारतबीचको दोस्रो मैत्रीपूर्ण फुटबल खेलमा नेपालले एक गोल गरेको छ । आइतबार भएको दोस्रो मैत्रीपूर्ण खेलमा नेपालले भारतको एक गोल फर्काएको छ ।

भारतले नेपालविरुद्ध दुई गोल गर्दै अग्रता लिएको छ । दुई देशबीचको मैत्रीपूर्ण खेल नेपालको घरेलु मैदान काठमाडौँस्थित दशरथ रंगशालामा भइरहेको छ ।

माल्दिभ्समा आयोजना हुने साफ च्याम्पियनसिपको तयारीका लागि नेपालले भारतसँग मैत्रीपूर्ण खेल खेलेको हो । दुई देशको पहिलो मैत्रीपूर्ण खेल १–१ गोलको बराबरीमा सकिएको थियो ।