सुकेको बोटमा गुलाफको फूल कस्तो अचम्म !
मायाको होला कि नजरको भूल कस्तो अचम्म !!
यस्तै गजलहरु संकलित सावित्री गिरीको “मनको छाल” बजारमा आएको छ ।
प्रकाशक जरा फाउन्डेसन अनामनगरले सो पुस्तक बजारमा ल्याएको हो ।
गजलकार,गायिका शीतल कादम्विनीले विमोचन कार्यक्रममा पुस्तकको प्रशंसा गरिन् ।
८४ वटा गजल संग्रहित उक्त पुस्तकमा देश विदेशमा बस्दा मनमा आएका शब्दहरु संकलित रहेको गजलकार सावित्री गिरीले जानकारी दिइन् ।

एनले विगत लामो समय दखिको लामो वैदेशिक रोजगारीलाई बिट मारेर नेपाल फर्के लगत्तै कोभिड १९ को विश्वव्यापी विषम परिस्थिति आएको र सोही समयमा कृति जन्माउने जर्मर्को गरेको बताईन् ।
युवा पुस्तामा लोकप्रिय हुँदै गएको सावित्रीको “मनको छाल”ले माया पे्रम, जीवन जगत्, समाजिक विकृति, विसंगतिका बारेमा प्रष्टाएको प्रकाशक जरा फाउन्डेशनले जनाएको छ ।

सावित्रीको गजलसँगै छमछम नाचन हो, छाता ओझेल पारी, काठमाडौं जाँदा, चौबन्दी चोली, सेतीबाढी, भुकम्प, भाइरस निस्क्यो, छन् छन् काँचको चुरा, हे छोटो छ जामा लाउदिन आमा बरिलै अहिलेको तीजैमा, हे दाजै जिफन्टको सारी किन्दीनु सितारा भरेर’ तिजका गित समेत बजारमा आएका छन् ।

यसैगरी, लोकदोहोरी, अल्झिए नजर, भयो जे हुनु, सेतै फुल्यो काँस, मेलैमा सरर दोहोरी खेलैमा, मकै खायो घुनले नामक गीति एल्बमले बजार तताएको छ ।
यस्तै सावित्रीको मुक्तक संग्रह अवकाश नामको पुस्तक दशै तिहार पछि प्रकाशन हुँदै छ ।