काठमाडौं । एसियन कप छनोटको पहिलो खेलमै नेपाल पराजित भएको छ ।

शनिबार उज्वेकिस्तानमा भएको एएफसी महिला एसियन कप छनोटको आफ्नो पहिलो खेलमा नेपाल फिलिपिन्ससँग पराजित भएको हो ।

सुरुवाती गोल गर्दै ८९ मिनेटसम्म अग्रता लिएको नेपाललाई फिलिपिन्सले २–१ गोल अन्तरले पराजित गरेको हो ।

खेलको पहिलो हाफमा नै नेपालकी स्ट्राइकर विमला चौधरीले गोल गर्दै शुरुवाती अग्रता दिलाएकी थिइन् ।

८९ मिनेटमा फिलिपिन्सकी तेन्नइ एनिसले गोल गरेपछि बराबरीमा रोकिएको खेलको इन्ज्यूरी समयमा फिलिपिन्सकी क्यामेली विल्सनले गोल गरेपछि नेपाल पराजित हुन पुग्यो ।

एसियन कप छनोटमा नेपाल समूह ‘एफ’मा रहेको छ । नेपालको समूहमा फिलिपिन्ससँगै हङकङ पनि रहेको छ ।