काठमाडौँ । नेकपा एमालेको स्थायी कमिटी बैठक आज पनि बस्दैछ । बैठक दिउँसो १ बजे ललितपुरको च्यासलस्थित तुल्सीलाल प्रतिष्ठानमा बस्दैछ । आजको बैठकले विधान महाधिवेशनमा प्रस्तुत गरिने विधान, राजनीतिक र सांगठनिक प्रतिवेदनलाई अन्तिमरुप दिने बताइएको छ ।

बैठकमा अध्यक्ष केपी शर्मा ओली, महासचिव इश्वर पोखरेल, संगठन विभाग प्रमुख विष्णु पौडेलले आइतबार प्रस्तुत गरेका राजनीतिक, सांगठनिक र विधान प्रतिवेदनमाथि छलफल भइरहेको छ ।

आइतबारको छलफलमा उपमहासचिव घनश्याम भुसालले लिखित टिप्पणी राखेका छन् । स्थायी कमिटी सदस्यहरुले आ आफ्नो धारणा राखेर प्रतिवेदन पारित गरिने छ । उक्त प्रतिवेदनलार्य अन्तिम रुप दिएर ८ र ९ गते बस्ने एमाले केन्द्रीय कमिटी वैठकमा पेश गरिने छ । एमालेको यही असोज १६, १७ र १८ गते एमालेको विधान महाधिवेशन हुँदैछ ।