काठमाडौं । प्रधानमन्त्री निवास बालुवाटारमा सत्ता गठबन्धन दलहरुको बैठक चलिरहेको छ । मन्त्रिपरिषद्लाई पूर्णता दिनेबारेमा सत्ता गठबन्धन दलहरुबीच बैठक बसेको हो ।

सत्ता गठबन्धनको नेकपा एसविरुद्धको रिटबारे अन्तरिम आदेश दिन सर्वोच्चले अस्वीकार गरेपछि गठबन्धनको बैठक बसेको हो ।

प्रधानमन्त्री शेरबहादुर देउवाको अध्यक्षतामा “सत्तारुढ गठबन्धनका शिर्ष नेताहरुको बैठक बेलुका साढे ६ बजेबाट शुरु भएको हो ।

बैठकमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेपाली कांग्रेस महामन्त्री पूर्णबहादुर खड्का, जनता समाजवादीका अध्यक्ष उपेन्द्र यादव र डा. बाबुराम भट्टराई, नेकपा (एकिकृत समाजवादी)का अध्यक्ष माधवकुमार नेपाल, राष्ट्रिय जनमोर्चा उपाध्यक्ष दुर्गा पौडेल लगायतको उपस्थिति रहेको छ ।

बैठकले सरकार विस्तार गर्नेबारेमा महत्वपूर्ण निर्णय गर्ने बालुवाटार स्रोतले बताएको छ ।