काठमाडौं । जनता समाजवादी पार्टी (जसपा)का संघीय परिषद् अध्यक्ष डा.बाबुराम भट्टराईले नेकपा एमालेको जारी विधान महाधिवेशनलाई निभ्नेबेलाको कुम्भमेला भनी टिप्पणी गरेका छन् ।

उनले सामाजिक सञ्जाल ट्वीटरमा ट्वीट गरी शुक्रबारबाट शुरु भएको विधान महाधिवेशनलाई ‘खड्गप्रसादको कुम्भमेला निभ्नेबेलाको बत्ति’ भनी टिप्पणी गरेका हुन् ।

‘लुटको धन फूपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठुलो मूल्य चुकाउनुपर्नेछ ।’ –डा. भट्टराईले एमालेको विधान महाधिवेशनलाई लक्षित गरी भनेका छन् ।

भट्टराईले सोही ट्वीटमा लेखेका छन्– ‘नक्कली राष्ट्रवाद, नृजातीय अहंकारवाद, पपुलिज्म र व्यक्तिपूजाको ककटेलले अन्ततः स्टालिन, हिटलर र फासीवाद जन्माउने हो । चेतना भया ।’

डा. भट्टराईले गरेको यो ट्वीटलाई भने रिट्वीट गर्दै ट्वीटर प्रयोगकर्ताहरुले आफ्नो असफलतालाई बिर्सिएर अरुको आलोचना नगर्न सुझाएका छन् ।

हेर्नुहोस्, बाबुरामको ट्वीटः

खड्गप्रसादको कुम्भमेला निभ्ने बेलाको बत्ती हो। लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठुलो मूल्य चुकाउनुपर्नेछ।नक्कली राष्ट्रवाद,नृजातीय अहंकारवाद,पपुलिज्म र व्यक्तिपूजाको ककटेलले अन्त: स्टालिन,हिटलर र फासीवाद जन्माउने हो।चेतना भया! pic.twitter.com/B8SzzMuaIK

— Baburam Bhattarai (@brb1954) October 2, 2021