काठमाडौं । नेपाली कांग्रेसको १४ औं महाधिवेशनअन्तर्गत काठमाडौं महानगरपालिकामा भएको निर्वाचनमा निलकाजी शाक्यले प्रारम्भिक अग्रता लिएका छन् ।

प्रारम्भिक गणनामा काठमाडौं महानगर सभापति पदका उम्मेदवार नीलकाजी शाक्यले ४ सय २२ मत पाएका छन् भने सभापतिका अर्का प्रत्यासी प्रगतिमान रञ्जितले १ सय ६० मत पाएको निर्वाचन समितिले जनाएको छ ।

यस्तै, उपपभापतिमा सन्तकुमार महर्जन र शुशीला ढकालको अग्रता छ । महर्जनले ४ सय २४ मत पाउँदा शुशीलाले ४ सय ४२ मत प्राप्त गरेकी छन् ।

उपसभापतिकै प्रत्यासी सुधीरनाथ खनालले १ सय ४३ मत पाउँदा भरत तण्डुकारलाई १ सय २१ मत प्राप्त भएको छ ।

काठमाडौंको सचिवमा सुशन वैद्य र पुरुषोत्तम खकुरेलले अग्रता लिएका छन् । अहिलेसम्मको गणनामा वैद्यको ४ सय ५१ मत छ भने खकुरेलले ४ सय २ मत पाएका छन् ।

यस्तै, सचिवकै प्रत्यासी रमेश उप्रेतीले १ सय १० मत पाउँदा सम्झना भट्टराईको १ सय ७० मत आएको छ ।

सहसचिवमा बिमला लामिछाने र अमृत मानन्धनरले अग्रता लिएका छन् । लामिछानेले ४ सय ३९ मत पाएका छन् भने मानन्धरले ४ सय १३ मत पाएका छन् ।