काठमाडौँ । खाद्यान्न अभाव भएको दार्चुलामा हेलिकप्टरबाट खाद्यान्न ढुवानी गरिँदैछ । दार्चुलाको व्याँस गाउँपालिकामा खाद्य संस्थानले दसैँ तिहारकालागि हेलिकप्टरबाट खाद्यान्न ढुवानी गरिरहेको हो ।

व्याँस गाउँपालिकाका छांगरु, तिंकर, दुम्लीङ, राप्ला, माल, सीना, सुनसेरा लगायतका स्थानमा ६ सय क्वीन्टल खाद्यान्न हेलिकप्टरबाट ढुवानी भइरहेको छ । हेलिकप्टरबाट खाद्यान्न झारिएको ठाउँबाट स्थानिय महिलाहरु बाकेर लैजाँदै छन् ।

यातायातको सुविधा नभएको उक्त गाउँमा खाद्य संस्थानले दसैँ तिहारकालागि हेलिकप्टरबाट खाद्यान्न ढुवानी गरिरहेको हो । दार्चुलाका दुर्गम गाउँमा प्रत्येक वर्ष दसैँ तिहारमा खाद्यको अभाव हुँदै आएको छ ।