काठमाडौँ । फिफा विश्वकप छनोट अन्तर्गत ब्राजिलले भेनेजुएलालाई ३-१ ले पराजित गरेको छ । शुक्रबार बिहान सम्पन्न खेलमा ब्राजिलले जित हात पारेको हो ।

खेलको ११औं मिनेटमा भेनेजुएलाका एरिक रामिरेजले गोल गर्दै अग्रता दिलाएका थिए । तर त्यसको ७० मिनेटपछि ब्राजिलले ३ गोल फर्काएको थियो । ७१औं मिनेटमा ब्राजिलका मार्क्विन्होसले गोल गरेर खेललाई बराबरीमा रोकेका थिए ।

गाब्रिएल बारबोसाले ८५औं र एन्टोनीले इन्जुरी टाइममा गोल गरेपछि ब्राजिलले सहजै जित हात पारेको हो । छनोटमा लगातार ९ खेल जितेको ब्राजिल २७ अंकसहित शीर्ष स्थानमा छ । भेनेजुएला १० खेलबाट ४ अंकसहित १०औं स्थानमा छ ।