काठमाडौँ । न्याय माग्दै नेपालगन्जबाट पदैलयात्रा गरेर महिलाहरु काठमाडौँ आइपुगेका छन् । शुक्रबार बिहान काठमाडौँ आइपुगेका उनीहरु न्याय माग्दै माइतीघर मण्डलामा भर्ना दिइरहेका छन् ।

उनीहरु नेपालगन्जबाट २० दिन लगाएर काठमाडौँ पुगेका हुन् । न्यायका लागि महिला अधिकार मञ्चका पदाधिकारीसहित १४ जना नेपालगन्जदेखि पैदलयात्रामा काठमाडौँ आएका हुन् । उनीहरूले ‘महिलाको हत्या, अपहरण, शरीर बन्धक र कर्तव्य ज्यान गरी मार्नेहरू होसियार, मौन बस्ने सरकार खबरदार’ भन्दै २० दिनदेखि पैदलयात्रा गरेका हुन् ।

उनीहरूले नन्कुन्नी धोबी र एकल महिला निर्मला कुर्मी हत्याका दोषीलाई तत्काल कारबाही गर्न माग गरेका छन् । २० दिनदेखि पदैलयात्रा गरेर काठमाडौँ आएकी रुबु खानले बाँकेका एसपी श्यामकृष्ण अधिकारी र डिएसपी मधुसुदन न्यौपानेलाई कारबाही गर्नुपर्ने बताएकी छन् । बाँकेकी नन्कुन्नी धोबी र निर्मला कुमी हत्यामा किटानी जाहेरी दिँदा पनि एसपी अधिकारी र डिएसपी न्यौपानेलाई अनुसन्धान अगाडि नबढाएको महिलाहरूले बताएका छन् ।