काठमाडौँ । आईसीसी विश्वकप टी–ट्वान्टी क्रिकेट अन्तर्गत आज आइतबार दुई खेल हुँदैछ ।

आईसीसी विश्वकपमा आज भारत र पाकिस्तानबीच प्रतिस्पर्धा हुनेछ । समूह २ मा रहेका भारत र पाकिस्तानबीचको खेल राति ७:४५ बजे सुरु हुनेछ ।

लामो समयबाट राजनैतिक तनाब रहदै आएको भारत र पाकिस्तानबीच जसको असर खेल क्षेत्रमा देखिने गरेको छ ।

दुबै टिम आईसीसी र एसीसीको प्रतियोगिता बाहेक एक अर्काविरुद्ध खेल्ने गरेका छैनन् ।

सन् २०१९ को एकदिवसीय विश्वकपपछि भारत र पाकिस्तानबीच पहिलो पटक प्रतिस्पर्धा हुन लागेको हो भने सन् २०१६ पछि टी–ट्वान्टी विश्वकप दुई टोली पहिलो पटक खेल्न लागेका हुन् ।

सन् २०१६ को विश्वकपमा भारतले पाकिस्तानलाई ६ विकेटले हराएको थियो भने २०१९ को एकदिवसीय विश्वकपमा पनि भारत विजयी भएको थियो।

त्यस्तै सारजाहमा हुने आजको पहिलो खेलमा बंगलादेश र श्रीलंकाबीच प्रतिस्पर्धा हुनेछ । श्रीलंका र बंगलादेशबीचको खेल दिउँसो ३:४५ बजे सुरु हुनेछ ।