काठमाडौँ । अमेरिकाले अनुदानमा उपलब्ध गराएको कोरोना भाइरस कोभिड-१९ विरुद्धको १ लाख ६२० डोज खोप नेपाल आइपुगेको छ । कोभ्याक्स सुविधा अन्तर्गत विश्व स्वास्थ्य संगठन (डब्ल्यूएचओ)मार्फत उपलब्ध गराइएको फाइजर खोप आज कतार एअरवेजको विमानमार्फत् नेपाल आइपुगेको हो ।

अमेरिकाले नेपाललाई यसअघि १५ लाखभन्दा बढी डोज जोन्सन एन्ड जोन्सन खोप दिएको थियो । फाइजर खोप १२ वर्षभन्दा माथिका दीर्घरोगीलाई लगाइने स्वास्थ्य मन्त्रालयले जनाएको छ । एक महीनाको अवधिमा दुई डोज लगाउनुपर्ने फाइजर खोप ९५ प्रतिशत प्रभावकारी रहेको अनुसन्धानबाट पुष्टि भएको छ ।