मंगलबार, फागुन ६, २०८१

बोलेरोको ठक्करबाट महिलाको मृत्यु

मेरोन्यूज २०७८ कार्तिक १३ गते ६:४२

काठमाडौँ । चितवनको भरतपुर चनौली सडकखण्डमा बोलेरोले स्कुटरलाई ठक्कर दिँदा एक महिलाको मृत्यु भएको छ । मृत्यु हुनेमा भरतपुर महानगरपालिका ५ विकास चोक बस्ने ४६ वर्षीया सुलोचना ढकाल रहेकी छन् ।

Advertisement
IMEnabil

जिल्ला प्रहरी कार्यालय चितवनका अनुसार मंगलपुरबाट चौबीसकोठीतर्फ आउँदै गरेको ग ३ च ४०३८ नम्बरको बोलेरोले सोही दिशाबाट आउँदै गरेको ना ६० प ९९०७ नम्बरको स्कुटरलाई ठक्कर दिएको थियो ।

ठक्करबाट घाइते महिलाको उपचारका क्रममा शुक्रबार चितवन मेडिकल कलेज भरतपुरमा मृत्यु भएको हो । बोलेरो र चालक प्रहरीले नियन्त्रणमा लिएको प्रहरीले जनाएको छ ।

प्रतिक्रिया