एजेन्सी । आईसीसी विश्वकप टी–ट्वान्टी क्रिकेटमा भारतले आज बुधबार ७:४५ मा हुने खेलमा अफगानिस्तासँग भिड्ने छ ।

अबुधाबीमा हुने खेलमा अफगानिस्तानलाई हराउनैपर्ने दबाबमा भारत रहेको छ ।

सुरुवात दुई खेलमा हारेको भारतका सेमिफाइनलको दौडमा कायम रहन जितको आवश्यकता छ ।

भारत पहिलो खेलमा पाकिस्तान र दोस्रो खेलमा न्युजिल्याण्डसँग ठूलो अन्तरले पराजित भएको थियो । पहिलो खेलमा पाकिस्तानसँग १० विकेटले गुमाएको भारतले दोस्रो खेलमा न्युजिल्याण्डसँग ८ विकेटले पराजीत भएको थियो ।

अफगानिस्तान समूह बीको दोस्रो स्थानमा छ । उसले तीन खेलमा दुई खेल जितेको छ । अफगानिस्तानसँग लामो सट प्रहार गर्ने ब्याट्सम्यानदेखि विश्वका उत्कृष्ट स्पिनर समेत रहेका छन् । रासिद खान, मुजीबले भारतीय टिमलाई दुख दिने ठानिएको छ ।

भारतलाई सेमिफाइनल पुग्न अफगानिस्तानविरुद्ध ठुलो अन्तरको जित आवश्यक छ । अफगानिस्तानसँगै भारतले नामिबिया, स्कटल्याण्डलाई समेत ठुलो अन्तरले हराउन आवश्यक छ । पाकिस्तान र न्युजिल्याण्डसँग ठुलो अन्तरले हारेका कारण भारतलाई राम्रो रनरेटको समेत आवश्यकता छ ।

बुधबारनै हुने पहिलो खेलमा पौने ४ बजे न्युजिल्याण्ड र स्कटल्याण्ड भिड्नेछन् । सेमिफाइनल पुग्न न्युजिल्याण्डका लागि खेल महत्वपुर्ण छ । यस समूहबाट पाकिस्तान सेमिफाइनल पुगिसकेको छ ।