काठमाडौँ । भुतपुर्व खेलाडी मन्चले आयोजना गर्दै सफल पोखरा म्याराथन फागुन ७ गते देखि हुने भएको छ । पोखरामा बुधबार पत्रकार सम्मेलन गर्दै १६ ओैं म्याराथन आागामी फागुन ७ गते हुने बताएको हो ।

यो संस्करण देखि प्रतियोगिताका बिजेताले पाउने नगद पुरस्कारको रकम पनि बढेको छ । बढेको पुरस्कार अनुसार प्रथम हुनेले ४ लाख पाउने छन् भने उपबिजेतालाई २ लाख, तेश्रोलाई १ लाख र चौंथोलाई ३० हजार पुरस्कार दिईने आयोजकले बताएको छ । अघिल्लो संस्करणमा प्रथम पुरस्कार २ लाख थियो ।

नेपालको म्याराथनमा यो नै सबैभन्दा धेरै पुरस्कार राशी भएको प्रतियोगिता हो । प्रतियोगितामा १० किमी पुरुष तथा महिला, ५ किमी छात्रछात्रा, ह्वील चियर र दृष्टीबिहिन दौड हुने पत्रकार सम्मेलनमा अध्यक्ष हरि पराजुलीले बताए । प्रतियोगितालाई सुजल डेरीले आगामी ३ वर्ष सम्म प्रायोजन गर्ने भएको छ ।

अघिल्लो वर्ष प्रतियोगिताको लागि सुजल डेरीले साढे ४ लाख रुपैयाँ उपलब्ध गराएको थियो भने आगामी वर्ष देखि सम्झौता भएको रकममा वर्षेनी १० प्रतिशत रकम बढाउने सहमति पनि भएको छ ।