काठमाडौँ । अस्ट्रेलियाले पहिलोपटक टी–२० विश्वकपको उपाधि जितेको छ । गएराति दुबईमा भएको फाइनल खेलमा न्युजिल्यान्डलाई आठ विकेटले हराउदै अस्ट्रेलियाले उपाधि जितेको हो ।

न्युजिल्यान्डले दिएको एक सय ७३ रनको लक्ष्य अस्ट्रेलियाले दुई विकेट गुमाएर सात बलअघि भेटायो । अस्ट्रेलियाका लागि डेभिड वार्नर ५३ रन, मिचेल मार्शले ७७ रन र ग्लेन म्याक्सवेलले २८ रन बनाए । बलिङतर्फ ट्रेन्ट बोल्टले दुई विकेट लिए । यसअघि टस हारेर पहिले ब्याटिङ गरेको न्युजिल्यान्डले निर्धारित २० ओभरमा चार विकेट गुमाएर एक सय ७२ रन बनाएको थियो ।

न्युजिल्यान्डका लागि कप्तान केन विलियमसनले ८५ रन, मार्टिन गुप्टिलले २८ र ग्लेन फिलिप्सले १८ रन बनाए । बलिङतर्फ जोश हेजलवूडले तीन विकेट र एडम जम्पाले एक विकेट लिए । योसँगै टी-२० विश्वकपले नयाँ च्याम्पियन पाएको छ ।