काठमाडौँ । कर्णाली स्वास्थ्य विज्ञान प्रतिष्ठानका उपकुलपति डा. मंगल रावललाई काम काजमा रोक नलगाउन अन्तरिम आदेश जारी भएको छ । पाटन उच्च अदालतले स्वास्थ्य तथा जनसंख्या मन्त्रालयका नाममा आदेश जारी गरेको हो ।

स्वास्थ्य मन्त्री विरोध खतिवडाले मन्त्री स्तरीय निर्णयबाट उपकुलपति डा. रावललाई काम गर्न रोक लगाएका थिए । उनले उपकुलपतिको काम गर्न डा. निमेश थापालाई जिम्मेवारी दिएका थिए ।

स्वास्थ्य मन्त्री खतिवडाको निर्णयविरुद्ध उपकुलपति डा. रावलले दिएको रिटमा पाटन उच्च अदालत यस्तो आदेश जारी गरेको हो । न्यायाधीश भोजराज अधिकारीको एकल इजलासले डा. रावलको पक्षमा अन्तरिम आदेश दिएको हो ।