काठमाडौँ । मुगु जिल्लाको सदरमुकाम गमगढी बजारमा आगलागी भएको छ । गएराति साढे १२ बजेतिरबाट आगलागीमा ठूलो क्षती भएको प्रतक्ष्य दर्शी गणेश अधिकारीले बताए ।

आगलागीबाट १७ वटा घर र ३ वटा घुम्ती पसल जलेर नष्ट भएको बताइएको छ । खिम्मे लामाको घरमा बालेको दियोबाट आगलागी सुरु भएको प्रहरीले जनाएको छ । प्रहरीका अनुसार बिहान साढे ४ बजे आगो नियन्त्रणमा लिइएको छ ।

आगलागीमा मानवीय क्षति नभएको प्रहरीले जनाएको छ । धनमाल कति क्षति भयो भन्नेबारे पनि एकिन विवरण आइनसकेको बताइएको छ । आगलागीमा १७ घर र ३ घुम्ती पसल जलेर नष्ट भएका छन् भने १ घर आगो नभिउने क्रममा भत्कीएको जनाइएको छ ।