काठमाडौँ । नेपालमा पछिल्लो २४ घण्टामा ३७७ जनामा कोरोना भाइरस संक्रमण पुष्टी भएको छ ।

पछिल्लो २४ घण्टामा ६५०५ जनामा पीसीआर परिक्षण गर्दा ३३९ जना र २६४४ जनामा एन्टीजेन परिक्षण गर्दा ३८ जना संक्रमण पुष्टी भएको स्वास्थ्य मन्त्रालयले जनाएको छ ।

कोरोना संक्रमण पुष्टी भएका थप चार जनाको पछिल्लो २४ घण्टाको अवधिमा मृत्यु भएको मन्त्रालयले जनाएको छ । योसंगै हालसम्म कोरोना संक्रमणवाट मृत्इु हुनेको संख्या ११ हजार ४८२ पुगेको छ ।

यस्तै, स्वास्थ्य मन्त्रालयका अनुसार पछिल्लो २४ घण्टामा १७० जना कोरोना संक्रमणमुक्त भएका छन् ।

योसँगै नेपालमा कोरोना जित्नेको संख्या ७ लाख ९८ हजार ७१४ जना पुगेको छ । नेपालमा कोरोना निको हुने दर ९७.७ प्रतिशत रहेको मन्त्रालयले जनाएको छ ।

यसैबीच, पछिल्लो २४ घण्टामा काठमाडौं उपत्यकामा १४५ जनामा कोरोना संक्रमण पुष्टि भएको छ ।

मंगलबार काठमाडौं जिल्लामा १०१ जना, ललितपुर जिल्लामा ३३ जना र भक्तपुर जिल्लामा ११ जनामा कोरोना संक्रमण देखिएको छ ।