काठमाडौँ । नेपाली कांग्रेस भोजपुर जिल्लाको सभापतिमा विनोद बान्तावा निर्वाचित भएका छन् । पार्टीको १४ औँ महाधिवेशनअन्तर्गत भएको निर्वाचनमा उनले ४१५ मत ल्याएर विजयी भएका हुन् ।

वान्तावाका प्रमुख प्रतिपक्षी नन्दमणि राईले ३९२ र बालकृष्ण थापाले ३६० मत ल्याएका थिए । तीनै जनाले खसेको मतको ५१ प्रतिशत ल्याउन नसकेपछि पहिलो र दोस्रो मत ल्याउनेबीच पुनः निर्वाचन हुने अवस्था थियो । तर, निर्वाचनमा नगएर सहमतिका आधारमा बान्तावालाई नै सभापति बनाइएको कांग्रेसका एक नेताले जानकारी दिए ।

जम्मा एक हजार २२७ मतमा एक हजार १६७ मत सदर भएको थियो । यस्तै, ६० मत बदर भएको थियो ।