काठमाडौं । बिग बास लिग (बीबीएल) सिजनको पहिलो खेलमा नेपालका लेग स्पिनर सन्दीप लामिछानेले विकेट हात पार्न सफल भएका छन् । होबार्ट हरिकेन्सबाट खेलिरहेका लामिछानेले पहिलो खेलमै विकेट हात पारेका हुन् ।

लामिछाने सिड्नी सिक्सर्सविरुद्ध १ विकेट हात पारेका हुन् । लामिछानेले ४ ओभर बलिङ गर्दै २४ रन खर्चेर १ विकेट हात पारे । बीबीएल अन्तर्गत होबार्टले आफ्नो पहिलो खेल खेल्दैछ ।

खेल अरोरा स्टेडियममा भइरहेको छ । लामिछानेले लगातार दोस्रो सिजन होबार्टबाट खेलिरहेका छन् । लामिछानेले गत सिजन होबार्टका लागि ८ खेल खेल्दै ८ विकेट लिएका थिए ।