काठमाडौं । नेपाली कांग्रेसको १४ औं महाधिवेशनको निम्तो मान्न र शुभकामना दिनका लागि जनता समाजवादी पार्टीका अध्यक्ष उपेन्द्र यादव र लोकतान्त्रिक समाजवादीका अध्यक्ष महन्थ ठाकुर कांग्रेसको महाधिवेशन स्थलमा कांग्रेसको औपचारिक कार्यक्रम शुरु हुनु अगाडी नै पुगेका थिए । नेताद्दय पुग्दा कांग्रेसका सभापति तथा प्रधानमन्त्री शेरवहादुर देउवा लगायतका शीर्ष नेताहरु मञ्चमा थिएनन ।

स्वंमसेवकहरुले नेताद्दय ठाकुर र यादवलाई मञ्चको अगाडी अतिथि आसन ग्रहण गराउने सिटमा लगेर बसालिदिए । तर संयोग यस्तो परयो दुवै नेता बस्ने सिट सँगसागै । न कांग्रेका कुनै शीर्ष नेता मञ्चमा , न अन्य पार्टीका शुभकामना दिन आएका नेताहरु नै मञ्चमा पुगेका थिए ।

तर दुवै नेता मञ्चमा सँगै बसे । केही समयपछि प्रधानमन्त्री शेरवहादुर देउवा मञ्चमा पुगे । दुवै नेता उठेर प्रधानमन्त्री देउवासँग नमस्कार आदानप्रदान गरे । त्यसपछि पनि सागै रहेका उनीहरुले न एकापसमा कुराकानी गरे । न कुनै हार्दिकता नै जनाए ।

सागै कुम जोडेर मञ्चमा बसेपनि दुई नेताहरु दुई तिर मुख फर्काएर वसेको दृश्य पटक पटक देखिएको छ । उपेन्द्रले एकातिर हेर्दा महन्थले अर्काेतिर हेर्ने र महन्थले एकातिर हेर्दा उपेन्द्रले अर्काेतिर हेर्ने काम यी दुई नेताले कांग्रेसको उदघाटन स्थलमा पुगेर देखाईरहेका छन् ।
क्ुनै समय एकै पार्टीमा रहेका यी दुई नेता अहिले अलग पार्टीमा छन् ।

उपेन्द्रले जनता समाजवादी पार्टीमा बहुमत जुटाएर पार्टी आफनो पकडमा राखेका थिए । त्यसपछि महन्थले भने अर्काे पार्टी लोकतान्त्रिक समाजवादी पार्टी गठन गरेका थिए । महन्थ एमाले अध्यक्ष केपी ओली सरकारमा रहँदा ओलीसँग नजिक थिए भने महन्थ ओली विरोधी गठवन्धनमा । सोही कारण उपेन्द्रको पार्टी जसपा अहिले कांग्रेस सभापति समेत रहेका शेरवहादुर देउवा नेतृत्वको सरकारमा छ ।

महन्थको पार्टी भने देउवालाई विश्वासको मत दिएपनि सरकारमा सहभागी छैन ।